Një shofer në Skrapar e ka pësuar keq nga policia, pasi ishte në shkelje të ligjit për qarkullimin rrugor.
Siç shihet në videon e publikuar nga poolicia, shoferi në fjalë kishte mbushur makinën e tij tip “Land Rover” plotë me njerëz dhe sikur të mos mjaftonte kjo rreth 4 persona ishin ngjitur lart në pjesën e jashtme .
Njoftimi i policisë:
Veprime të tilla që cënojnë sigurinë e jetës në rrugë dhe Kodin Rrugor, do t’i kushtojnë 30-vjeçarit nga Skrapari deri në trefishin e gjobës më të lartë, pasi ka shkelur dy nene të Kodit Rrugor, neni 82 pika 4 dhe nenin 167 pika 7, (masa më e lartë varion nga 10-40 mijë lekë e përcaktuar në nenin 84 pika 2).
Neni 196 pika 1 parashikon që: drejtuesi i mjetit që kryen më shumë se një shkelje ndëshkohet nga OASH deri në trefishin e gjobës më të lartë të shkeljes që ka kryer.
Policia Rrugore nuk do të tolerojë asnjë drejtues mjeti që shkel në mënyrë flagrante rregullat e qarkullimit rrugor duke rrezikuar jetën e pasagjerëve dhe nxit qytetarët që të denoncojnë çdo shkelje, sado e vogël qoftë ajo.