Personazhi i famshëm i Tik Tok, Kozak Braçi është shoqëruar në ambientet e policisë së Tiranës ku po merret në pyetje nga agjentët në lidhje me një video që qarkullon ditët e fundit në rrjetet sociale.
Në këtë video Kozaku del duke konsumuar kokainë dhe pastaj me një pistoletë me mulli luan lojën ruleta ruse. Në video duket qartë pistoleta dhe plumbi, ku fatmirësisht arma nuk e shkrep.
Ruleta ruse, ështe një lojë vdekjeprurëse ku ata që marrin pjesë rrezikojnë gjithë kohës të eliminohen fizikisht. Me vetëm një fishek, lojtarët vendosin pistoletën me mulli dhe e shkrepin në kokë! Fiton ai që del i gjallë!