Në dëgjesën për çështjen e basteve, kryeministri Edi Rama ka bërë të qartë për çdokënd se nuk do të ketë në asnjë mënyrë salla fizike të basteve në vend. Diskutimi sipas kreut të qeverisë, bëhet për bastet online.
“Ne kemi pasur vullnet për ta luftuar këtë fenomen, fakti që ky aktivitet nuk ka ardhur në rënie pavarësisht arrestimeve etj, nuk ka rënë si aktivitet.
Që mos ketë ndonjëri iluzione. Nuk do të kthehemi në asnjë mënyrë te sallat, lojërat, makineta aq për dreq e për shenjtan.
Konsiderata që ne po bëjmë është për bastet sportive online. Salla parazitësh në Shqipëri që luajnë për të hedhur në erë kursimet, nuk do të ketë”.