Drejtuesja e emisionit Open, Eni Vasili dhe deputetit Myslim Murrizi janë përfshirë në një debat mbrëmjen e sotme.
Teksa drejtuesja e pyeti për partitë e reja që po krijohen, një debat i pakuptimtë u krijua mes tyre.
Murrizi u rikthye disa vite pas, ku i tha prezantueses së emisionit se e njeh që nga koha kur ajo merrte pjesë në mbledhjet e forumit rinor, ndërkohë që ajo e mohoi.
Myslim Murrizi: “Më thirr në mbiemër”
Vasili: Po pse si të thirra? A je mirë sot z.Murrizi?
Murrizi: E, ashtu më thirr. Se të njoh që nga mbledhja e Forumit Rinor të PD
Vasili: E ke gabim, s’kam qenë kurrë. Tani ju lutem, se jam drejtuese e Open dhe ça ndodh në këtë emision e vendos unë.
Murrizi: Po jo unë s’ta prish këtë emision, kam respekt, Unë kam respekt e të kam të preferume. Partia ime nuk është krijuar as nga zyra e Ramiz Alisë.