Ministrja e Mbrojtjes, Olta Xhaçka ditën e sotme vizitoi dy efektivët e kontigjentit EOD, të plagosur një ditë më parë në Letoni
Në një njoftim të shpërndarë për mediat thuhet se, Xhaçka vizitoi major Klodian Tanushin, i cili ndodhet i shtruar në RIGA EAST UNIVERSITY HOSPITAL.
“Gjendja shëndetësore e Major Tanushit është e rënduar. Efektivi i FA ndodhet nën mbikqyrjen intensive të mjekëve.
Ministrja Olta Xhaçka vizitoi edhe Reshter Juliaj Kapajn, i cili aktualisht ndodhet në spitalin e bazës ushtarake Camp Adazi në Letoni. Gjendja shëndetësore e Reshter Kapajt është shumë e mire”, bën me dije Ministria e Mbrojtjes.
Ndërsa për vitimën Zarife Hasanaj ceremonia shtetërore e lamtumirës do të zhvillohet gjatë paradites së të premtes më 10 maj 2019.
“Trupi i efektives që humbi jetën një ditë më parë pritet të mbërrijë në Atdhe ditën e enjte, më datë 9. Trupi i efektives Hasanaj do të transportohet me avion ushtarak. Efektivja Zarife Hasanaj do të shoqërohet edhe nga një efektiv kanadez, një letonez dhe kolegë të saj shqiptarë, pjesë e kontigjentit ku bënte pjesë Efektivja Zarife Hasanaj do të pritet në aeroportin “Nënë Tereza”, me protokoll ushtarak e më pas do të dergohet pranë familjes se saj”, sqaron më tej Ministria e Mbrojtjes.
