Në futbollin shqiptar po shohim herë pas here episode dhune, ku ai në ndeshjen Kamza- Laçi ku u plagos arbitri ishte ndër më të rëndët.
Por në Poloni duket se i kanë dhënë një zgjidhje të çuditshme tifozëve të dhunshëm. Në ndeshjen mes Hutnik Krakova dhe Spartakus tifozët e Hutnik kanë parë skuadrën e zemrës nga një kafaz hekuri dhe ky ka qenë kushti nëse ata do të dëshironin të ishin në stadium. Në fakt kjo mënyrë ka ngjallur debat teksa autoritetet e kanë justifikuar si masë sigurie.
Federata e Sporteve e Polonisë ka nisur një hetim pas lajmit në gazetat lokale dhe ndërkombëtare.
Çdo masë paraprake është e mirë kur bëhet fjalë për tifozët huligan, veçanërisht nëse ata janë tepër të dhunshëm. Duke qenë se asnjëherë nuk dihet se çdo të ndodhë, kompanitë e sigurisë gjithmonë përpiqen të marrin masat e duhura.