Policia e Shkodrës bën të ditur se ka ndaluar autorin e dyshuar të ngjarjes në Vukatanë, ku u qëllua me armë zjarri ndaj mjetit të djalit të xhaxhait të deputetit Luan Harusha.

Sipas burimeve zyrtare bëhet fjalë për Gj.P., 33 vjecc i cili kishte thyer dhe masën e arrestit të vendosur ndaj tij, në arrest shtëpie.

NJOFTIMI

Ndalohet autori i dyshuar i ngjarjes së ndodhur dje, me datë 29.06.2020, në fshatin Vukatanë, Shkodër.

Nga strukturat e DVP Shkodër, në vijim të hetimeve intensive për zbardhjen e ngjarjes së ndodhur ditën e djeshme, u bë identifikimi dhe ndalimi i autorit të dyshuar, shtetasit Gj. P. 33 vjeç, banues në Lagjen “Mark Lula” Shkodër, i cili ka thyer masën e sigurisë “Arrest në shtëpi”.

Ky shtetas u ndalua pasi dyshohet se në orën 12:30, datë 29.06.2020, në fshatin Vukatanë, ka qëlluar me armë zjarri në drejtim të automjetit në pronësi të DPSHTRR, që drejtohej nga shtetasi F. H., 30 vjeç, banues në Dobraç, Shkodër.

Vijojnë hetimet e mëtejshme për zbardhjen e plotë të kësaj ngjarjeje.

Materialet i kaluan Prokurorisë së Rrethit Gjyqësor Shkodër.

PËRGJIGJU

Please enter your comment!
Please enter your name here