Policia e Shkodrës ka dhënë detaje lidhur me të shtënat me armë sot ndaj një mjeti në fshatin Vukatanë. Sipas policisë, ngjarja ka ndoddhur rreth orës 12.30 dhe se nuk ka të lënduar. Mësohet se disa persona janë shoqëruar dhe mes tyre dyshohet të jenë dhe autorët e ngjarjes.
NJOFTIMI I PLOTE
Shkodër/Informacion paraprak
Më datë 29.06.2020, rreth orës 12:30, në rrugën e fshatit Vukatanë, Shkodër, në rrethana ende të paqarta është qëlluar me armë zjarri në drejtim të mjetit tip “Hyundai”, me drejtues shtetasin F. H. 30 vjeç, banues në fshatin Dobraç, Shkodër. Nga të shtënat nuk ka asnjë person të lënduar.
Menjëherë në vendngjarje kanë shkuar shërbimet e Policisë dhe grupi hetimor.
Si rezultat e veprimeve të shpejta janë shoqëruar disa persona dhe dyshohet se mes tyre mund të jenë edhe autorët e ngjarjes.
Vijon krehja e zonës dhe grupi hetimor po vijon punën për fiksimin e çdo prove që mund të shërbejë për sqarimin e rrethanave të ngjarjes dhe identifikimin e autorëve.