Pas fjalimit të Ditmir Bushatit sot në Parlament ku i kërkoi mazhorancës që të mos jetë arrogante, shtohen zërat pro tij në radhët e Partisë Socialiste.
Ish-zëvendësministrja e Financave, Irena Beqiraj thotë se fjalimi i Bushatit është një thirrje për t’i vënë gishtin kokës. Sipas saj, Ditmir Bushati përcolli mendimin e shumë shqiptarëve.
“Ditmiri tregoi sot se mendon ndryshe, kurrsesi që është kundra një individi, qoftë ky edhe lideri i partisë. Ditmiri përcolli mendimin e shume shqiptareve me mendje te ftohte e dy pare tru në kokë”,shkruan ajo.
Reagimi i plotë i Beqirajt:
MENDIMI NDRYSHE I DITMIR BUSHATIT!
Nese ne nje tavoline te gjithe mendojne njesoj, asnje nuk eshte duke menduar gjate!!
Fjalimi i Ditmir Bushatit sot ne Parlament ishte nje drite per shpresen e ekzistences se mendimit ndryshe , nje thirrje per ti vendosur gishtin kokes. Asnjehere nuk eshte vone.
Shumëkush përciptazi, i zënë ne kurthin e mentalitetin ” o me ne o kundra nesh” mund ta shikoje si kundërvënie karshi lidershipit. Ne fakt, është një shërbim i bërë me guxim jo vetëm Partisë Socialiste e lidershipit te saj, por Popullit Shqiptar.
Zgjohuni socialiste ! Ky vend nuk ka nevoje për shkëmbime batutash , pa kripe e te sforcuara, me deputetet opozitare te ardhur prej procedurës por jo prej demokracisë, të cilëve zëri u dridhet e nuk rrinë dot as drejt ne foltore kur kuvendojnë, duke te kujtuar me se shumti nxënësit e dobët para mësuesit.
A nuk jeni lodhur duke përsëritur mekanikisht fjali pa kuptim e klishe si : “ulemi për dialog por jo për negociate “?! Po a nuk me thoni, cili është precedenti i rrezikshëm i cili nuk duhet te ndodh se ndryshe ndodh katastrofa me demokracinë?
Po si ka mundësi qe rrini neper karrige duartrokisni edhe nuk mendoni qe edhe pse është tërësisht fajtore, opozita që ka lënë shtëpinë si një bashkudhëtare e keqe, ju serish nuk mund te largoheni nga detyrimi për të gjetur zgjidhje urgjente për të mirën e familjes tone te përbashkët, Shqipërisë!
Ditmiri tregoi sot se mendon ndryshe, kurrsesi që është kundra një individi, qofte ky edhe lideri i partisë. Ditmiri përcolli mendimin e shume shqiptareve me mendje te ftohte e dy pare tru ne koke, qe kemi nevoje për zgjidhje e jo për komshillëk, për retorike, shaka qe nuk bëjnë me kërkënd për të qeshur, përkundrazi trishtojnë.
Nuk jemi pa zgjidhje, nëse mësojmë të dëgjojmë edhe pranojmë mendimin ndryshe.