Nuk do të bëjë asnjë hap prapa me shembjen e godinës së Teatrit Kombëtar pavarësisht qëndrimeve kundër. Këtë ka shprehur kryeministri Edi Rama gjatë konferencës për shtyp me gazetarët.
“Ai është një proces për të cilin unë jam shprehur tani më nuk e di sa vite u bënë dhe jam njeriu i fundit që duhet ët pyesni për ndonjë hap mbrapa. E Kam thënë që prej viti 1998, që ajo godinën duhet shembur dhe që Shqipëria duhet të ketë një Teatër Kombëtarë për këtë emër. Mezi po pres të shoh të ndërtohet teatri i ri. Të gjithë kanë të drejtë të kenë kundërshtinë e tyre, por në fund vendos shumica. Ne jemi shumica, e kemi marrë këtë vendin dhe nuk shoh se si pakica të caktuara mund të imponojnë vendimmarrje që lidhjen me kompetenca të drejtpërdrejta të pushtetit të mandatuar nga populli“, tha Rama.
