Në një kohë që ministrja e Drejtësisë Etilda Gjonaj në konferencën e saj për shtyp tha se ata që kanë firmosur do të vihen para drejtësisë, ish-zyrtarët e arrestuar u njohën me masat e sigurisë në Gjykatën e Tiranës.
Për ish sekretaren e përgjithshme të Ministrisë së Drejtësisë,Juliana Hoxha dhe drejtorin ekonomik Aurel Lamcce gjykata vendosi arrest shtëpie. Për të tjerët është vendosur detyrim paraqitje.
Prokurori i çështjes Kreshnik Ajazi kërkoi që seanca të zhvillohej pa kamera. Ndërkaq, për këto abuzime do të verifikohen dhe ish ministrat.
Seanca është zhvilluar pa kamera me kërkesë të Prokurorit Kreshnik Ajazi. Kujtojmë se për abuzimet me tenderat po verifikohen edhe dy ish ministrant e LSI, Petrit Vasili e Ylli Manjani.
Shkeljet më të rënda janë raportuar në lidhje me shërbimin e kamerave në burgje, ndërsa ka dyshime se edhe regjistri noterial nuk funksiononte.
Pesë procedurat e tenderimit, ku janë evidentuar shkeljet:
- Mirëmbajtja dhe mbikqyrja e sistemit ICMIS në 7 Gjykatat Administrative
- Përmirësimi i sistemit të mbikqyrjes elektronike në fushën penale
- Përmirësimi, Zhvillimi dhe Mirëmbajtja e Regjistrit Noterial Shqiptar
- Sistemi i Monitorimit me kamera për burgun e Lezhës dhe Fushë Krujës
- Përmirësimi dhe mirëmbajtja e sistemit elektronik të çështjeve të përmbarimit
