Tensionohet situata në protestën e naftëtarëve të Ballshit në kryeqyteti, duke pasur përpasje mes tyre dhe policisë teksa iu afruan godinës së Ministrisë së Infrastrukturës dhe Energjisë.
Protestuesit deklarojnë se kanë 20 paga të pamarra dhe 11 muaj pa punë, ndërsa gjendja e tyre ekonomike është e vështirë. Naftëtarët deklarojnë se protestat dhe manifestimet kanë rënë në vesh të shurdhër dhe se situata tashmë është bërë e padurueshme.
Por ndërsa naftëtarët janë mbledhur për të protestuar, forca të policisë kanë ndërhyrë për të mos lejuar mbajtjen e protestës, për shkak të pandemisë së COVID-19.
Për këtë protestë dhe situatën në rafinerinë e Ballshit foli në Kuvend dhe kreu i grupit parlamentar socialist Taulant Balla, i cili tha se duhen nisur hetimet për privatizimin në 2013-tën të rafinerisë sepse problemet nisën që aty.