Ish-kreu i komanduar i PD-së së vulës, deputeti Enkelejd Alibeaj nga dera e Kuvendit, tha se në mbledhjen e bujshme të Kryesisë ku pati dhunë verbale dhe shantazh, tha se askush nuk ka qenë nën presion. Madje Alibeaj tha se qëndrimi i Gazment Bardhit është emocional.
“Nëse i dhunuan, ua kërkoj unë ndjesën personalisht. Modeli ndryshe është të respektojmë lirinë e shprehjes të çdo njeriu. U thatë natën e mirë? Sigurisht, natën e mirë u them të gjithëve. PD është baza, janë njerëzit. Nuk ka një ndarje lidhur me atë se ca ka ndodhur gjatë gjithë kësaj kohe. Qëndrimin i Bardhit emocional? Deri diku po.
Në mbledhje për aq sa zgjati asnjë prej kryesisë nuk ka qenë në presion. Unë isha në mbledhje. Asnjëri prej tyre s’ka qenë as në presion, ka pasur qëndrime të ndryshme. Krerët e degëve janë PD, ato njerëz që më 8 janar ishin në mbrojte të deputetëve. S’ka pasur dhunë, fjalë ka pasur, jam dakord.
Nëse secili prej jush është ndjerë i fyer apo në një situatë ju normale, ua kërkoj unë ndjesën. Një gjë, me shumë qetësi ua them secilit prej jush, keni të drejtën tuaj të thoni gjithçka dini. Të nxirrni problemin kryesor në mbledhje, është them në opinioni i secilit për mënyrën se si duhet ët ecë para PD. Kërkohet një rindërtim i PD-së, nuk do duhet shfokusuar nga fakti se kush do jetë kryetar. Ka të drejtën të kandidojë kushdo”, tha Alibeaj.
I pyetur nga gazetarët nëse do të mbështesë Lulzim Bashën, nëse ky i fundit do të rikandidojë për kreun e PD-së. Alibeaj tha ka të drejtën të kandidojë kushdo që dëshiron. “Diskutim që e refuzoj. Unë mbështes një parti me rregulla statutore demokratike, pushtet të ndara që kontrollojnë kryetarin, me pushtet që delegohen, me pushtet të decentralizuar. Kërkohet një rindërtim i PD-së, nuk do duhet shfokusuar nga fakti se kush do jetë kryetar. Ka të drejtën të kandidojë kushdo”, tha Alibeaj.