Ish-deputeti demokrat Klevis Balliu u shpreh se Lulzim Basha se po krijon vetëm armiq dhe është mbyllur në zyrën e tij.
Ai theksoi se po e mban vulën në xhep, pasi sipas tij, vetëm ajo i ka mbetur. “Basha i futi këto kundërshtarë të tjerë në PD, Metën dhe të tjerët. Basha ka mbetur në zyrë, e provoi me Metën, me Berishën e nuk ngjiti. Fushatën e bëri vetë, izraelitët i thirri vetë, strategjinë e bëri vetë dhe fjalimet. Ky nuk ka faj, por të tjerët, ne e kemi fajin. PD s’ka lidhje me Metën. Ai thotë rri unë në zyrë se kam vulën. Vulën një njeri e mban një për do të bëjë biznes e rri në zyrë. Si zgjidhet kjo krizë? Hajde bëjmë votim zotëri”, tha Balliu.
Çipa nga ana e tij e cilësoi si të papranueshme faktin që në këtë përplasje futen persona të tretë apo të katërt, duke nënkuptuar edhe Metën.
“U ndanë në datat e llogoreve, por të ishit në vullnet do të kishit gjetur një konsensus. Sepse aktualisht kemi dy struktura paralele. Sa i përket deklaratave të Metës se Basha erdhi duke qarë, kjo është një sjellje jo fort etike, në sjelljen e komunikimin publik në jetën e liderëve politikë. Ky konflikt i liderëve është pas portave. Në 2017 e kemi përjetuar një gjë të tillë, nuk e kemi më një krizë të përfaqësimit, ose të mos përfaqësimit. Natyrisht me një lojë të re, për llogari të reja. Duhet të mbyllet një proces i konfliktit juridik të PD. Është në konflikt se cilin do të njohë Kuvendin. PD është e vetmja forcë politike për rotacion, e funksionimin e zgjedhjeve. Kjo nuk rëndon de facto jo vetëm PD, por edhe ne si qytetarë. Këta do të shkojnë në gjykatë, për të përcaktuar se kush do ta ketë të drejtën e vulës”, tha Çipa.
Por Balliu shtoi se “I vetmi hall që ka Basha është që të mos më bëni një mocion mosbesimi. Kuvendi po mblidhet me 11 e ai the që nuk do ta mbledhësh, dhe po bën anti Kuvend më 18 dhjetor”.