Në veri të Kosovës situata nuk duket shumë e qetë. Në Jarinjë janë parë grupet ekstremiste ruse dhe serbe “Ujqërit e Natës” si edhe “Wagner”. Në një video të publikuar nga një media boshnjake “Istraga”, shihen disa persona të armatosur me automatik në pjesën veriore të Kosovës.
Fytyrat e personave të armatosur nuk duken, por ato shfaqen teksa po shohin një video të presidentit serb, Aleksandër Vuçiç.
Sot është dita e nëntë që nga vendosja e barrikadave në veri të Kosovës. Siç raportojnë mediat e Kosovës, rrugët që të shpien për në Rudarë dhe Jarinë, vazhdojnë të jenë të bllokuara.