Kryeministrja e Serbisë, Ana Brnabiç, duke folur për situatën e tensionuar në veri të Kosovës pas arrestimit të ish-policit serb, u shpreh në seancë parlamentare se “jemi në prag të konfliktit të armatosur”. Sipas saj, provokimet vijnë nga Prishtina.
“Lutja ime e fundit kur flasim për integrimet evropiane, që të japim gjithçka nga vetja dhe të tentojmë të ruajmë paqen. Jemi në prag të një konflikti të armatosur, për shkak të veprimeve të njëanshme të autoriteteve në Prishtinë”, ka shtuar Brnabiç.
Ajo gjithashtu theksoi se avokatit të ish-policit Dejan Pantiqit që u arrestua disa ditë më pare në Kosovë, nuk i është lejuar të kontaktojë me klientin e tij,. Sipas saj, kjo edhe është arsyeja pse serbët në veri kanë vendosur barrikada. Megjithatë kur foli për barrikadat, ajo e zbuti paksa retorikën duke thënë se dialogu është shumë i rëndësishëm.