Një 35-vjeçar nga Sllovakia u arrestua nga policia e Gjirokastrës, pasi tentoi të kalonte armë dhe drogë drejt Greqisë.
Pas kontrollit në makinën e L.D. dhe kontrollit fizik të ushtruar ndaj tij, policia kufitare gjeti dhe sekuestroi 1 armë zjarri pistoletë, një mjet prerës thikë dhe një sasi lënde të dyshuar narkotike kanabis, të ndarë në doza.
Në vijim të veprimeve procedurale, specialistët e Seksionit për Hetimin e Trafiqeve të Paligjshme dhe Narkotikëve në DVP Gjirokastër arrestuan në flagrancë shtetasin L. D., 35 vjeç, banues në Sllovaki.