Ervin Selita i njohur me emrin Vinz pas mesnatës së 2 shkurtit 2022 ka qëlluar me armë zjarri në drejtim të Zeni Xhindit ky i fundit pronari i një hoteli në rrugën e Elbasanit.
Ngjarja ka ndodhur pikërisht në Hotelin e quajtur New VV, në rrugën “Tre Vëllezërit Kondi”, ku 30 vjeçari Ervin Selita së bashku më shoqëruesen e tij me iniciale E.D janë futur brenda hotelit duke kërkuar marrjen e një dhomë.
Sipas policisë së Tiranës, Ervin Selita “gjatë konfliktit në ambientet e hotelit, ka tentuar të vrasë me armë zjarri njërin nga pronarët e hotelit.”
Sportelisti i hotelit i ka kërkuar kartën e ID 30 vjeçarit por edhe të shtesases tjetër që e shoqëronte. Kjo kërkesë nuk është pranuar nga i riu Selita me arsyetimin se ishte klient i rregullt dhe se nuk ishte e nevojshmë paraqitje e kartës së identitetit. Në këto momente recepsionisti ka telefonuar pronarin e hotelit shtetasin Zeni Xhindi i cili ka shkuar në vendngjarje ku edhe ka ndodhur përleshja mes tyre.
Në një moment Ervin Selita ka nxjerr armën e zjarrit ku ka qëlluar mbi 6 herë në drejtim të pronarit të hotelit por fatmirësisht nuk e ka kapur asnjë plumb.
Në ato momete në vendin e ngjarjes i është bashkuar edhe të afërmit e 30 vjecarit Selita, pikerisht Xhuliano Selita dhe Erjon Mici ku ky i fundit ka marrë amrën e zjarrit dhe është larguar në drejtim të paditur.