Karabinierët e Pavullo-s në Itali arrestuan një 32-vjeçar shqiptar.
Mediat vendase shkruajnë se ndalimi erdhi pas një urdhri të lëshuar nga gjykatësi i Modena-s Andrea Romito, me kërkesë të prokurorit Monica Bombana për akuzën e dhunës seksuale.
Faktet datojnë mëngjesin e 19 janarit kur burri, brenda një ferme të drejtuar nga një grua e re, ku shkonte çdo ditë për të mbledhur qumësht, me forcë kishte provuar të kryente marrëdhënie seksuale me të. Episodi i Janarit, sipas denoncueses, ishte i fundit i një serie të gjatë.
Gruaja, e cila është dhe menaxherja e kompanisë, vendosi të informojë bashkëshortin e saj për ngjarjen, i cili gjithashtu punonte në kompani.
Pas kallëzimit të çiftit, nisën hetimet, që çuan më pas në ndalimin e shqiptarit, gjeneralitetet e të cilit nuk bëhen me dije nga raportimet e mediave lokale.