Policia e Korçës ka sekuestruar 46 kg kanabis dhe 20 mijë euro gjatë operacionit të koduar “Ndjekja”, ku ka vënë në pranga Th. Dh., 34 vjeç.
Ai ka tentuar të largohet po është kapur pas ndjekjes nga policia. “Gjatë kontrollit të ushtruar në mjetin tip “Benz”, të cilin ky shtetas drejtonte, iu gjetën 46 kg lëndë e dyshuar narkotike Cannabis Sativa, kurse gjatë kontrollit në banesën e tij, iu gjetën e sekuestruan edhe 20 000 Euro si edhe 10 aparate celulare”, thuhet në njoftimin zyrtar të policisë së Korçës.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.

