Gjykata në Britaninë e Madhe ka dënuar me burg një trafikant të qenieve njerëzore dhe një angleze, pasi u kapën duke futur ilegalisht tetë emigrantë shqiptarë.
James Wisbey tentoi të sillte emigrantët përmes kanalit anglez nga Franca për në Britaninë e Madhe, duke vendosur në rrezik jetën e shqiptarëve gjatë një stuhie dhjetorin e vitit të kaluar.
E arrestuara tjetër, Faye Miles, dëshmoi se kishte pranuar të punonte me trafikantin pasi ishte e pastrehë dhe kishte nevojë për para.