Duket se pedagogët janë tërhequr nga mbajtja e një greve urie. Sot nuk është zhvilluar as protesta simbolike që zhvillohej çdo ditë. Pedagogët e kanë thënë fjalën e tyre. Është thënë se janë 30 persona që do të futen në grevë nëse do të marrin një sinjal nga Presidenti i Republikës apo nga ndërkombëtarët.
Pritet si do të jenë reagimet dhe hapi i radhës i protestës së pedagogëve. Studentët kanë vijuar mësimin në disa auditore, pavarësisht se disa nga pedagogët nuk janë paraqitur.
Pedagogët në Shqipëri janë në protestë që prej 5 tetorit, e që nga 17 tetori që përkoi me nisjen e vitit të ri akademik, shumica e tyre kanë bojkotuar mësimin. Ata kanë nëntë kërkesa, ku një prej tyre, kryesore është rritja e pagës me 50 %.
Qeveria ka vendosur t’ua rrisë vetëm me 7%, ndërsa 8% duhet ta mbulojnë vetë univeristetet. Rritjen deri tani e kanë kaluar; Universiteti i Tiranës, Universiteti Politeknik, Universiteti i Mjekësisë dhe ai i Sporteve.