Të reja të rëndësishme vijnë në shtëpinë e Juventusit. Sipas asaj që shkruajnë mediat italiane, bordi drejtues i “Zonjës së Vjetër” ka dhënë dorëheqjen.
Këtu përfshihen: kryetari Andrea Agnelli, zëvendësi i tij Pavel Nedved, dhe drejtori menaxhues Maurizio Arrivabene. Në këshillin e jashtëzakonshëm të njëjtin vendim morën edhe anëtarët Laurence Debroux, Massimo Della Ragione, Katryn Fink, Daniela Marilungo, Francesco Roncaglio, Giorgio Tacchia dhe Suzanne Keywood.
Përfshirja në hetimin e Prisma-s, çështje e nisur nga Prokuroria Publike e Torinos me akuzën e kontabilitetit jo të vërtetë, e lidhur me mosmarrëveshjet e Consob-it, bënë që kompania të rishikonte draft pasqyrat financiare dhe të vinte ky vendim.