Prefekti i bashkisë së Korçës, Nertil Jole ka reaguar në lidhje me lëkundjet e tërmetit. Përmes një postimi në facebook Jole bën me dije se nga tërmeti 4.8 ballë nuk ka pasur asnjë banesë të dëmtuar. Ai thekson se ekipet e emergjencave janë në terren dhe po bëjnë vlerësimin e situatës.
“Gjatë natës së kaluar lëkundje tërmeti u ndjenë në zonën tonë dhe epiqendra ishte në fshatin Mollas. Nga biseda që pata këtë mëngjes me administratorin e Mollasit dhe banorë të Qafzezit, mësova se nuk ka patur pasoja. Ekipi e emergjencave do të jetë në terren për çdo nevojë të banorëve dhe vlerësim të situatës”, shkruan Jole.