Disa orë pasi lëshoi një deklaratë duke thënë se kishte dëgjuar se Rusia do të sulmonte vendin e tij më 16 shkurt, presidenti ukrainas Volodymyr Zelensky u tërhoq nga parashikimi duke sqaruar se ai i referohej vetëm raporteve të mediave. Deklarata e parë tronditi mediat dhe tregjet botërore.
“Na është thënë se 16 shkurti do të jetë dita e sulmit”, tha Zelensky në një deklaratë video të postuar në Facebook.
Megjithatë, pasi komentet e tij u morën nga shumë veta, zëdhënësi i tij, Sergii Nykyforov, tha se presidenti, i cili është një ish humorist, po thoshte vetëm atë që është raportuar diku tjetër.
“Presidenti iu referua një date që u përhap nga media,” tha zëdhënësi i tij.