Gjatë një takimi që Presidenti i Kosovës Hashim Thaci pati me Presidentin e Malit të Zi Milo Gjukanoviq vlerësoi marrëdhëniet mjaft të mira mes dy vendeve fqinje dhe shtoi se të gjitha vendet e Ballkanit po bëjnë përpjekje për të lënë pas të kaluarën.
Postimi i Thacit:
“Në margjina të Konferencës së Sigurisë, një takim kisha edhe me Presidentin e Malit të Zi, Milo Gjukanoviq. Fqinjësia e mirë është vlerë evropiane dhe Kosova e Mali i Zi përveç që kanë ditur ta ruajnë gjithmonë këtë vlerë, me përkushtim të ndërsjellë kanë arritur edhe ta forcojnë. Me presidentin Gjukanoviq diskutuam edhe për ndikimin pozitiv që do të kishte normalizimi i marrëdhënieve dhe marrëveshja gjithëpërfshirëse mes Kosovës dhe Serbisë në rajonin tonë. Tërë vendet e Ballkanit Perëndimor po bëjnë përpjekje që ta lënë pas të kaluarën e hidhur dhe të bashkohen në familjen e madhe evropiane”!