Një thirrje nga selia blu, kryetari i PD-së, Sali berisha e përcoi edhe për Policinë e Shtetit në lidhje me protestën e së shtunës. Berisha tha se policia nuk duhet të revoltojë protestuesit dhe shtoi se ata që do e bëjnë diçka të tillë, do të marrin pasoja.
“Mos revoltoni protestuesit. Ata vijnë të provokuar në shkallën më të lartë, nga një njeri që po i plaçit dhe vjedh çdo ditë. Policia, në interesin e saj më të mirë, të mos bëhet mercenare e Edi Ramës. Këtë i them policisë unë.
Protestuesit janë fuqia absolute, morale e vendit. Mjerë ai që i prek. Sa të dojë populli opozitar do të protestojë. Ai nesër është sovrani i Shqipërisë”.