I pranishëm në protestën e opozitës është edhe gazetari Aulon Kalaja.
Gjatë fjalës së tij para mijëra protestuesve, ai bëri thirrje për reagim masiv nga të gjithë qytetarët shqiptarë.
Sipas tij, ka ardhur koha për t’u kthyer në luftëtarë.
“E keqja që ka ardhur në pushtet ka tërhequr të gjitha të këqijat e shoqërisë. Është dita për një besa-besë. E keqja fiton kur e mira nuk bashkohet. Sa e vështirë për ty, për të lënë filxhanin e kafesë. Ndalu pak, shikoje veten. Vëllai yt ka ikur në emigracion. Kjo besëlidhje ka vend për të gjithë, edhe për ty që sot rri shtrirë. Ke detin përballë. Këta njerëz janë derdhur në shesh, kjo është zemra e Shqipërisë. Nga ky oqean shqiptarësh, të shqyen për të drejtat e veta. Çohu pra, edhe ty po të presim, që flet nga frika e luanit, kur ne na shqyejnë hienat. Ora ka ardhur edhe për ty o demokrat. Çohu dhe guximi yt do ta vrasë frikën. Çohuni në këtë protestë kundër shpopullimit të Shqipërisë. Po jetojmë në kohë të vështira. Optimizmi im vjen pas tragjedisë së gjerave. Kur një populli nuk i pëlqen qeveria, nuk ikën populli, por qeveria. Është koha, nga qytetar të kthehemi në luftëtarë për Shqipërinë tonë”, tha Kalaja.