Një 35-vjeçar nga Librazhdi kërkon ndihmë për kryerjen e një transplanti veshkash. Katër vite më parë pësoi një aksident të rëndë dhe sot jetën e ka të lidhur me aparaturën e dializës.
Ky është Elton Poçi, 35 vjeç nga Librazhdi.
Një aksident automobilistik 4 vite më parë i shkaktoi pasoja të rënda shëndetësore.
Ka humbur shpretkën dhe veshkat i ka jashtë funksionit.
Prej vitit 2018 jetën e ka të lidhur me aparaturën e dializës.
“Bëmë aksident në Tiranë, shoku im ka ndërruar jetë dhe unë kam qëndruar mbi një vit në spital, pastaj kam arritur në dializë.”
Për të jetuar normalisht i nevojitet një transplant veshkash, por kostot e operacionit nuk i përballon dot.
“Ka ardhur mundësia, bëhet jashtë shtetit. Ka kosto të madhe, nuk e përballoj dot.”
Në gjendjen që ndodhet nuk mundet të punojë, ndërsa problemet shëndetësore po e rrënojnë ekonomikisht.
“110 mijë lekë të vjetra ndihmë ekonomike, organet si kam në trup.”
