Kryedemokrati Lulzim Basha ka dalë me një reagim të fortë ndaj kryeministrit Rama në lidhje me gjendjen e sistemit shëndetësor në Shqipëri dhe skandalin e ‘Tires’ tek ‘Shefqet Ndroqi’.
Bashka akuzon Ramën se po fshihen viktimat e COVID pasi sistemi ynë shëndetësor është në kolaps.
“Të gjithë e panë sesi Shqipëria ka sot një sistem shëndetësor në kolaps, me numrin më të ulët të testimeve. Tirja është produkti i Edi Ramës në 8 vite, pasi Rama është kryetirja. Në fund të 8 viteve Edi Rama del në ekran, dhe thotë çfarë do të bëjë, ndërkohë që kishte 8 vite kohë në dispozicion. Kërkon që t’i kundërvihet planit tonë të shëndetësisë, përmes dështimeve të tij. Bëri vetëm një gjë, u mori paratë shqiptarëve, dhe ua dha miqve të tij. Kemi fshehje të të dhënave, është fakt se Shqipëria është vendi me numrin më të lartë të vdekjeve dhe infektimeve, Rama fsheh viktimat, të cilat nuk janë thjesht numra por janë nënat dhe baballarët tanë. Rruga për të dalë nga kjo gropë kalon përmes propozimeve tona.”, u shpreh Basha.