Në orët e para të mëngjesit një automjet ka dalë nga rruga dhe ka përfunduar në lumin Lana. Mësohet se ngjarja ka ndodhur në zonën e Brrylit. Pas aksidentit, shoferi është larguar nga vendngjarja, ndërkohë që policia ende nuk e ka gjetur.
Policia njofton:
Më datë 13.08.2022, në orët e para të mëngjesit, në afërsi të Brrylit, një shtetas ende i paidentifikuar dyshohet se duke drejtuar mjetin, ka humbur kontrollin mbi drejtimin e tij, për pasojë mjeti ka dalë nga rruga dhe ka rënë në lumin e Lanës. Pas aksidentit, drejtuesi i mjetit është larguar nga vendi i ngjarjes. Grupi hetimor po vijon punën për identifikimin dhe kapjen e tij dhe sqarimin e rrethanave të ngjarjes.