Një ndërtues dhe dy persona të tjerë janë ndaluar me urdhër të prokurorisë së Tiranës. Bëhet fjalë për biznesmenin Dritan Llanaj, i cili akuzohet nga këta persona për përfitim të pronës me anë të falsifikimit të dokumenteve.
Sipas burimeve të News 24, bëhet fjalë për falsifikim të dokumenteve për një sipërfaqe rreth 25 mije metra katrorë tokë në zonën e Laprakës. Dyshohet se kanë falsifikuar një dokument të kthimit të pronave dhe kanë përfituar këtë sipërfaqe toke.
Emri i Dritan Llanaj nuk është i panjohur për drejtësinë. Një vit më parë ai u ndalua sërish nga policia për falsifikim pronash. Në njoftimin e atëhershëm të policisë thuhej se Llanaj akuzohej për falsifikim të vulave dhe stampave, ndërtim i paligjshëm dhe mashtrim.
