Policia e Tiranës ka vënë në pranga një drejtues mjeti pasi ky i fundit tentoi t’i korruptonte ata me 10 mijë lekë të vjetra. Policia njofton se shtetasi me iniciale R. R, lëvizte gjithashtu pa patentë dhe pa rrip sigurimi. Ndalimi i tij u bë në rrugën “Konferenca e Pezës” në Tiranë.
Njoftimi i policisë:
Gjatë kontrolleve parandaluese, në rrugën “Konferenca e Pezës”, efektivet e Komisariatit Rajonal të Policisë Rrugore Tiranë, kanë ndaluar automjetin me targë AA 489 XA, drejtuesi i së cilit është konstatuar se drejton mjetin pa vendosur rripin e sigurisë si dhe pa u pajisur me leje drejtimi. Gjatë kryerjes se veprimeve policore, drejtuesi i mjetit shtetasi me iniciale R. R, 22 vjeç, me qellim shmangien e ndëshkimit për shkeljen e kryer, i ka ofruar punonjësit të policisë një kartëmonedhë me vlerë 1000 lekë të rinj, por policia i ka vënë pranga.