Tjetër rast dhune, edukatorja keqtrajton 5-vjeçarin autik

Është e trishtë, por një tjetër rast dhune është regjistruar në një kopsht publik, kësaj here në qytetin e Elbasanit. Policia nisi procedimin penal për edukatoren O.B, 57 vjeçe, e cila dyshohet se ka keqtrajtuar një 5-vjeçar që vuan nga autizmi. Shërbimet e Policisë po kryejnë të gjitha veprimet e nevojshme procedurale dhe hetimore për të zbardhur rrethanat e rastit. Një rast i ngjashëm tronditi pak ditë më parë opinionin publik ku një tjetër edukatore dhunoi një vajzë 3 vjeçare, duke i shkaktuar asaj dëmtime të rënda në këmbë.