Të tjera detaje të frikshme kanë dalë në pah nga mediat greke në lidhje me ngjarjen që tronditi opinionin grek dhe atë shqiptar. Babai, një minoritar nga Shqipëria që jetonte në ishullin grek vrau dhe groposi në oborr vajzën e tij, Angjelina Petro, pas sherrit që nisi për lidhjen e saj me një afgan.
ANT1 shkruan se shkak i vrajses u bë një telefonatë dhe më pas nisi konbflitki baba-vajzë. Sipas avokatit të babait, shkëndija e vrasjes u ndez kur vajza dhe babai hëngrën së bashku natën e Vitit të Ri dhe ajo mori një telefonatë nga partneri i saj afgan me të cilin ishte në lidhje prej kohësh.
Babai u duk i mërzitur dhe i kërkoi asaj të mbyllte telefonin. Angjelina nuk e dëgjoi dhe atëherë nisi sherri i madh. Edhe djali në anën tjetër thuhet se e dëgjoi sherrin që u bë në banesë mes babait dhe vajzës.
“Babi po largohem. Të dua, vazhdo të më godasësh”, ishin fjalët e fundit që ajo i tha të atit, e më pas u godit për vdekje nga ai. Babai i vajzës nuk e kishte miratuar kurrë marrëdhënien e saj me djalin afgan.