Enkeleda Kapedani, gjyqtarja e Elbasanit ka një pasuri vërtet të majme. Në deklarimet që ka bërë vetë Kapedani në vitin 2017 përfshihen prona të patundshme, kredi, borxh i dhënë, toka, llogari bankare dhe pagesa.
Konkretisht Kapedani kishte një kredi prej 1 milionë lekësh të reja, kishte dhënë 28 mijë euro borxh, një shtëpi banimi dhe një tokë
Të dhënat nga pasuria:
Cash nga shitje e një are në Golem, 1 400 000 lekë.
Llogari rrjedhëse, 9 133 lekë.
Llogari rrjedhëse, 73 726 lekë.
Të ardhura nga paga dhe shpërblime, 20 860 lekë, 579 692, 50 000 lekë, 391 231 lekë, 7 500 lekë.
Kredi konsumatore, 1 000 000 lekë.
Bashkëjetuesi, shtëpi banimi me sipërfaqe 300 m2 truall dhe 156 ndërtesë, në Tiranë, 1/6 pjesë.
Tokë bujqësore, me sipërfaqe 26 580 m2, 1/6 pjesë.
Gjendje cash nga shitja e makinës, 400 000 lekë.
Dhënë hua shtetasit… 28 mijë euro.
Kontratë qiraje me afat njëvjeçar, 20 000 lekë në muaj.
Kryegjyqtarja e Elbasanit është nën hetim pasi në media i rrodhën disa video nga rrjeti social “Tik Tok”. Në video gjyqtarja shfaqet me rroba firmato teksa në sfond dëgjohet kënga e Don Xhonit ‘Mafia’. Vetë ajo pretendon se nuk ka “TikTok” dhe nuk ka asnjë dijeni se kush ia ka publikuar pamjet në rrjet, por sipas Kapedanit, gjithçka është bërë për t’i dëmtuar imazhin.