Alberto Caputo, Alessandro Calderoni, Silvia Jun e Paolo Baron janë autorët e një libri me titullin mbresëlënës “Tradhtar i ndyrë. Si të dallosh gjurmët e tradhtisë!”.
Aty përshkruhen 3 llojet e tradhëtarëve të përsosur sipas tyre.
Le t’i shohim këto lloje.
Serialët
Ata janë tradhëtarë të pandërgjegjshëm, të pabesë, të specializuar. Tradhtia e tyre nuk ka të bëjë me cilësinë e jetës në çift, është thjesht gjenetike.
Seksin apo personin me të cilin përfshihen jashtë lidhjes e trajtojnë si trofe. Ata ta fusin në shtëpi rezultatin pa shumë skrupuj.
Herët a vonë hormonet e tyre fitojnë ndaj çdo lloj ndjenje.
Ata gjithashtu e vendosin veten si në një shitje, ndjekin filozofinë e “më ka ndaluar frymëmarrja”. Qahen vazhdimisht se nuk janë mirë.
Kujdes me ta kur flasin për dikë (një koleg apo një fqinj) me përçmim ose e shajnë.
Po të venë në gjumë, pikërisht me “të përçmuarin” do të të tradhtojnë.
Paralelët
Mbajtjen e këmbës në dy (ose më shumë) këpucë e kanë bërë një profesion. Në të njëjtën kohë si marrëdhënien kryesore (martesa ose bashkëjetesa), ata menaxhojnë edhe të tjerat dhe e arrijnë shumë mirë këtë.
Me bilanc të përsosur, ata kalojnë nga një shtrat në tjetrin pa bërë gabimin më të vogël. Nuk ngatërrojnë emrat, nuk humbasin datat e ditëlindjeve dhe jubileve.
Motivi i tyre është “afektiv-relacional”, në kuptimin që ata me të vërtetë besojnë në të.
Ata ndahen në monogamë (burra ose gra që kanë një dashnor historik) dhe poligamistë, kryesisht meshkuj. Poligamistët mund të ndjekin modelin e haremit (të gjitha së bashku me role të ndërrueshme) ose modelin e arkipelagut (çdo ishull një femër).
Rastësorët
Ata veprojnë për hakmarrje, për të ndëshkuar një grua-shtrigë ose një burrë-padron. Ata tradhtojnë për hakmarrje dhe janë të ndarë në dy nën-kategori, mes personave të zakonshëm dhe “maceve të mëdha” (të cilat janë kryesisht gra).
Të parët janë ata që tradhtojnë vetëm nëse u ofrohet mundësia në një pjatë të argjendtë. Vetë nuk marrin iniciativa, nuk marrin përgjegjësi. Sa për macet, dinake si macja e shtëpisë, bëjnë sikur po flejnë në shtrat. Por i bëjnë sytë katër, gati për të rrëmbyer prenë e parë interesante që kalon.