Kryetari i Bashkisë së Tiranës, Erion Veliaj ka fituar gjyqin për shpifje me Ylli Ndroqin. Në vendimin e saj, Gjykata e Posaçme për Korrupsionin dhe Krimin e Organizuar çmon se Kryebashkiaku Veliaj nuk ka shpifur kur e ka cilësuar Ylli Ndroqin “një trafikant droge me emër të ndryshuar, i cili vë gjoba me televizionet e tij”.
Ylli Ndroqi akuzohet se përmes mediave të tij ka përdorur ryshfetin dhe shantazhin dhe për këtë është shpallur non grata nga SHBA. Gjithashtu, Ndroqi është në hetim nga SPAK si i përfshirë në aktivitete kriminale dhe investime shumash të mëdha të pajustifikuara në bizneset e tij.
Ylli Ndroqi (Xhemal Pasmaçiu) është një pronar mediash, pasuritë e të cilit u sekuestruan nga qeveria shqiptare në vitet 2020 dhe 2021 për veprimtari të mëparshme kriminale.
“Ylli Ndroqi (Xhemal Pasmaciu) është një pronar mediash, pasuritë e të cilit u sekuestruan nga qeveria shqiptare në vitet 2020 dhe 2021 për veprimtari të mëparshme kriminale. Ndroqi ka shfrytëzuar mediat që më parë kanë qënë nën kontrollin e tij për të zhvatur dhe shantazhuar qytetarë shqiptarë nëpërmjet kërkesave për para dhe blerjeve të reklamave në këmbim të mospublikimit të artikujve negativë në media. Gjithashtu, Ndroqi ka ndërmjetësuar ryshfete për llogari të një subjekti që kërkonte të bënte biznes në Shqipëri. Ndroqi përcaktohet në bazë të E.O. 14033 sepse ka qenë përgjegjës ose bashkëpunëtor në ose për përfshirje të drejtpërdrejtë ose të tërthortë në korrupsion lidhur me Ballkanin Perëndimor, përfshi korrupsionin nga, në emër të, ose të lidhur me një qeveri në Ballkanin Perëndimor, apo një zyrtar aktual ose të kaluar qeverie, në çfarëdo niveli të qeverisjes në Ballkanin Perëndimor, siç është përvetësimi i pronave publike, shpronësimi i pronave private për përfitime personale ose qëllime politike, apo ryshfete”, shkruan Departamenti i Thesarit amerikan.