Një ngjarje e rëndë është regjistruar sot në Bulqizë, ku si pasojë e shpërthimit të një bombole gazi kanë humbur jetën 3 persona si dhe është plagosur një tjetër. Ngjarja ka ndodhur në Ostren të Madh të Bulqizës.

I plagosuri është në gjendje shumë të rëndë shëndetësore, ndërsa momentalisht është dërguar në spitalin e Bulqizës për t’i dhënë ndihmën e parë. Mësohet se nga spitali i Bulqizës është kërkuar një helikopter për të marrë të plagosurin dhe për ta transportuar drejt Tiranës për shkak të plagëve të rënda që ka.

Ndërkohë në vendin e ngjarjes kanë shkuar forca të shumta policie të cilët po punojnë për zbardhjen e shkaqeve të kësaj ngjarje të rëndë.



PËRGJIGJU

Please enter your comment!
Please enter your name here