Kompanitë e transportit kanë lajmëruar se nga e hëna nuk do të lëvizë asnjë autobus në Tiranë, duke paralajmëruar se do të pezullojnë aktivitetin e nisur vetëm në fillim të kësaj jave.
Siç bëjnë të ditur mediat ky vendim do të bëhet i ditur përmes një deklarate nga Unioni i Transportit Publik.
Kjo e fundit paralajmëroi më herët rimbylljen, pasi të ardhurat nuk justifikojnë shpenzimet. “Me këtë numër të reduktuar pasagjerësh që ne kemi, çdo operator ka të ardhura të munguara në fund të ditës, të cilat nuk justifikojnë shpenzimet. Automatikisht kjo të çon drejt rimbylljes”, ka thënë më herët kreu i shoqatës së transportit publik Rixhin Qoshja.