Specialistët për Hetimin e Krimeve të Komisariatit të Policisë Pogradec kanë konstatuar dhe kanë goditur 2 raste të tjera të prerjes së kundërligjshme të pyjeve. Si rezultat, filloi procedimi në gjendje të lirë për J. M., 35 vjeç, banues në fshatin Osnat, dhe U. B., 34 vjeç.
Në afërsi të fshatit Osnat, këta dy persona u kapën duke transportuar secili me një automjet kamion tip “IFA”, nga 18 m3 dru zjarri pa dokumentacionin përkatës.
Sasitë e druve dhe automjetet, u sekuestruan në cilësinë e provës materiale.