Një stërvitje midis tre aeroplanmbajtëseve më të rëndësishme të NATO është duke u zhvilluar në Gjirin e Tarantos. Ditët e fundit, aeroplanmbajtëjsja Cavour, flamuri i Marinës Italiane ka lundruar në jug, ku ka arritur dhe aeroplanmbajtësja amerikane Truman dhe aeroplanmbajtësja franceze De Gaulle. Kjo e fundit është aktualisht anija e parë dhe e vetmja me energji bërthamore që është ndërtuar në Evropën Perëndimore.
Stërvitja përshkruhet si mjaft komplekse dhe është pjesë e një aktiviteti stërvitor që do të testojë sistemet e ndërveprimit midis tre marinave, të cilat ndër të tjera nuk janë të gjurmueshme nga sistemet satelitore pasi kanë fikur transponderin. “Evropa nuk ka qenë kurrë kaq e bashkuar – tha Admirali Enrico Credendino , Shefi i Shtabit të Marinës Italiane – është legjitime të shqetësohemi për situatën aktuale të krizës ndërkombëtare, por ne jemi këtu për të garantuar mbrojtjen e territorit dhe të mbajmë çdo kërcënim larg kufijve tanë”.
Admirali Credendino foli gjithashtu për Mesdheun, i cili ” nuk është vetëm deti midis brigjeve evropiane dhe afrikano-veriore, por një shtrirje e hapësirës së Atlantikut dhe Indo-Paqësorit dhe, në rastin konkret të luftës në vazhdim, konkurrenca ka të bëjë gjithashtu me kontrollin e Detit të Zi, i cili është aksi themelor, në operacionet ushtarake ruse që mbyllin frontin detar të Ukrainës”.