Kurorat e mbretit spanjoll Karl IX dhe gruas së tij Christina, të vjedhura vitin e kaluar në një grabitje spektakulare nga katedralja, u gjetën së fundmi në një kazan plehrash në periferi të Stokholmit.
Këto janë bizhuteritë me rëndësi të jashtëzakonshme historike, që datojnë nga periudha e hershme e vitit 1660, dhe janë mbajtur për varrimin e mbretit dhe mbretëreshës. Vlera e tyre mendohet të jetë mbi shtatë milionë dollarë.
Bizhuteritë mbretërore u vodhën nga katedralja Strangnas në Suedinë qendrore, në një plaçkitje që mbushi faqet e mediave në gjithë botën vitin e kaluar.
Një mashkull, gjurmët e të cilit u gjetën në vend pas grabitjes, është duke u gjykuar. I dyshuari pranoi se kishte vjedhur një biçikletë dhe një anije me të cilën ikën grabitësit, por mohoi të jetë përfshirë në vjedhje. Tani për tani, ky është i dyshuari i vetëm në këtë rast. Ai refuzon të flasë për pjesëmarrësit e tjerë në krim. Gjyqi do të vazhdojë më 15 shkurt.