Një ngjarje tragjike është shënuar sot në zonën malore të Valbonës, ku një turist ka humbur jetën pasi ka rënë nga një lartësi në një nga majat e malit.
Sipas burimeve paraprake, turisti ishte duke eksploruar zonën kur dyshohet se ka rrëshqitur dhe ka rënë në një terren të thepisur.
Menjëherë pas marrjes së informacionit, ekipi i Urgjencës Kombëtare dhe strukturat përkatëse të shpëtimit malor janë nisur drejt vendngjarjes.
Aktualisht, ekipet ndodhen në terren dhe po bëjnë të pamundurën për të realizuar rekuperimin e trupit në kushte mjaft të vështira për shkak të terrenit të thyer.