Presidenti Donald Trump nënshkroi sot një urdhër ekzekutiv që fillon procesin e çmontimit të Departamentit të Arsimit.
Ndërsa nënshkroi aksionin, Trump u rrethua nga fëmijë të vegjël të ulur në tavolinat e tyre në Shtëpinë e Bardhë, të cilët në të njëjtën kohë nënshkruan letrat në një dosje.
Pasi përfunduan nënshkrimin e tyre, fëmijët mbajtën lart dosjet e tyre siç bëri presidenti.
Presidenti i tha Sekretares së Arsimit, Linda McMahon se ajo “po kryeson diçka që është e rëndësishme” dhe se kur të përfundojë me procesin, ai do të gjejë “diçka tjetër” për të.
“Po bën një punë fantastike. Shpresojmë që nuk do të jesh atje për shumë kohë. Por ne do të gjejmë diçka tjetër për ty, Linda”, tha Trump.
Urdhri për çmontimin e Departamentit të Arsimit nuk është surprizë pasi Trump lajmëroi që në ditën e inaugurimit që do ndodhte herët a vonë.