Donald Trump kërkon sërish që të jetë në krye të Shtëpisë së Bardhë. Ai është zotuar se nëse do të bëhet president i SHBA-së, do të tërheqë trupat amerikanë nga shumë vende.
Sipas tij, Uashingtoni shpenzon miliarda dollarë për mbrojtjen ushtarake të disa vendeve dhe në të njëjtën kohë nuk merr trajtim të favorshëm për fermerët e tij. “Trupat tona i mbrojnë, ndërsa ata nuk na paguajnë pothuajse asgjë. Shumë prej tyre na urrejnë, por ne i mbrojmë ata”.
Po ashtu Trump shtoi se trupat amerikane do të kthehen menjëherë në shtëpi dhe se Shtetet e Bashkuara nuk do të shpenzojnë para në këto vende, por ai nuk specifikoi se cilat shtete i referohej.