Studimi i Harvard hap rrugë të reja për të kuptuar plakjen e qelizave cerebrale
Rekord i ri shkencor, organoidet e trurit të kultivuara nga qeliza njerëzore mund të mbijetojnë deri në 5 vite. Studimi i Harvardit ndihmon në zbulimin e proceseve të zhvillimit dhe plakjes së trurit.
Arritet një rekord me kultivim organoidesh të trurit në laborator për 5 vjet me radhë, koha më e gjatë e dokumentuar deri më sot. Kanë mbijetuar kaq gjatë për herë të parë këto modele të vogla 3D të trurit të kultivuara në laborator, duke u nisur nga qeliza njerëzore. Dhe është vërejtur se ka shenja molekulare të kalimit të kohës në to, rezultat i punës së një grupi studimor të Universitetit Harvard.
Puna konsiderohet e rëndësishme pasi ndihmon në studimin e zhvillimit të qelizave cerebrale pas lindjes. Zakonisht, trurit njerëzor i duhen 20 vite për t’u pjekur plotësisht dhe kërkimi për zhvillimin e tij që pas lindjes mund të lehtësojë për të kuptuar më shumë mbi mekanizmat e tij, si organi më kompleks.
Deri më sot, studimi i tij ishte përqendruar kryesisht mbi fazat fillestare të zhvillimit të tij, me kohëzgjatje prej jo më tepër se pak muaj, pasi ishin dhe qelizat e kultivuara nuk arrinin të mbijetonin. Kësaj here janë përdorur teknika të reja, çka ka lejuar që të jetojnë kaq gjatë, e kanë rezultuar efikase.