Kryetari i Partisë së Lirisë, Ilir Meta ka treguar pse deputetët e Partisë së Lirisë munguan në tryezën e përbashkët të zhvilluar mes grupit të Gazment Bardhit dhe Sali Berishën.
“Kanë qenë në vijën e parë të ballafaqimit me regjimit, në parlament dhe kudo dhe është e rëndësishme që 63 deputetë e opozitës t’i përgjigjen sakrificës të atyre që i kanë votuar në 2021 dhe të ndalojnë çdo lloj regjimi, që e ka parë si qëllim përçarjen e opozitës”, bëri me dije Meta.
Në “luftën” e brendshme të Partisë Demokratike, se kush është kryetar i grupit, Lulzim Basha apo Gazment Bardhi, Meta duket se mbështet këtë të fundit, ndonëse nuk e artikuloi në mënyrë të drejtpërdrejtë.
Ai nuk dha një përgjigje konkrete nëse edhe në zgjedhjet në Kukës, do “t’i japë partinë” Sali Berishës. “Janë çështje që merren ekspertët, urojmë që të ketë një reflektim sa më të thellë në Kukës nga të gjithë qytetarët dhe të japin një mesazh të qartë të regjimit”, tha Meta.