Drejtori i spitalit të Al-Shifës në Gaza, thotë se qindra paciente të cilët gjenden ende në strukturë ulërasin nga etja, teksa rezervat e oksigjenit dhe ujit kanë shteruar. Në Gaza nuk ka më asnjë vend të sigurt dhe pas thirrjeve për evakuim nga veriu qytetarët në jug u paralajmëruan të largoheshin nga 4 fshatra në Khan Junis.
Kryeministri izraelit, Benjamin Netanjahu thotë se informacione amerikane të inteligjencës sugjeronin se shumë prej pengjeve mbaheshin në spital, por se ishin zhvendosur teksa IDF mësyu strukturën.
Netanjahu e pranoi se përpjekjet e tij për të reduktuar minimalisht viktimat nuk kanë pasur sukses. Paralelisht me operacionin ushtarak në Gaza, tensionet janë në qiell edhe në Bregun Perëndimor ku 3 palestinezë u vranë në një sulm me dronë të Izraelit në kampin e refugjatëve të Jenin.