Mediat në Itali kanë kritikuar sjelljen e katër turistëve italianë që u larguan nga restoranti në Berat pa paguar faturën e darkës që konsumuan.
Il Messaggero i ka kushtuar një artikull këtij rasti, duke e cilësuar si një “arratisje të neveritshme”.
Fatura që italianët duhet të paguanin ishte 80 euro, ose e thënë ndryshe 20 euro për person.
Ka qenë stafi i restorantit që publikoi në rrjetet sociale momentin kur ata largohen nga restoranti. Grupi i turistëve italianë ia mbathin me vrap nga restoranti, edhe pse nuk ka asnjë që i ndjek ata nga pas.